芳療仲可以咁做？ 5種精油用法解鎖！

芳香治療，又稱為芳療，喺指從植物中萃取芳香成分「精油」作為媒介，並以各種不同的方法，如按摩、香薰等等來吸收精油，以達至抒壓放鬆等不同的療效。

一講起精油，相信好多人第一時間就會諗起香薰機。但其實除咗香薰機之外，喺日常生活中，我哋都可以運用周圍嘅物品嚟做芳療架！

今日就同大家解鎖精油唔同嘅用法～等大家隨時隨地都享受到精油嘅樂趣啦！

1.按摩法

精油按摩亦都係其中一個好多人都鐘意用嘅方法，可以喺享受按摩嘅同時，加速血液循環及令肌肉放鬆，透過肌膚吸收精油嘅成分帶來治療效用。

方法:

將精油與適量的植物油攪拌均勻後，便可在腳部或手部等適當位置進行按摩。

！！注意！！除咗植物萃取成份較溫和的精油之外，如薰衣草和茶油等等，絕大部份的精油都不建議直接使用在肌膚上，以免對肌膚產生剌激！

2.精油淋浴法

將身體浸泡在混合了精油的溫水入面，喺享受香氛嘅同時，能有效令到精油從肌膚吸入體內，達致舒緩身心等不同的效果。

方法:

將數滴精油與介質（如植物油等）進行稀釋，之後加入於約40度的熱水中，經充分攪拌過後便可浸泡。

3.手足泡浴法

如果家中沒有浴缸都唔緊要，其實可以搵一個盆黎浸泡手或者腳，都有類似功效，促進血液循環架！

方法:

在臉盆或浴盆中放入溫水，再使用1～3滴精油和介質倒入去，充分攪拌之後便可使用，浸泡雙手或雙腳。

4.深呼吸蒸氣芳療法

由於精油唔會溶於水中，所以精油可以透過熱氣進入鼻腔。通過鼻腔和口腔吸入不但對呼吸系統有好處，更可以令人心情放鬆～

方法:

在臉盆中加入較熱嘅熱水並滴入數滴精油於水中，將面部放在面盆約30cm的上方，接著用毛巾將頭和盆都覆蓋好，用鼻和嘴巴吸入蒸氣約1分鐘。

5.紙巾嗅吸法

係外出嘅時候想使用精油，紙巾都係一個唔錯嘅媒介可以係外面嘅時候方便使用。

方法:

在紙巾滴1-3滴精油，之後將紙巾靠近臉部，通過鼻和嘴巴吸入香薰。